NAGSUNGKA! | Matag-as nga lider sang NPA sa Capiz, nagsungka sa mga kapulisan

CAPIZ- Natalana nga iga-presentar kay PC/Supt John Bulalacao, Regional Director sang PRO-6 ang isa ka matag-as nga leader sang New Peoples Army (NPA) nga nagsungka sa mga katapo sang kapulisan sa Barangay Jagnaya, Jamindan, Capiz.
Ini ang ginkilala kay Julio Llanes y Acervo alyas “Ka Pablo Llanes” nga anay squad leader sang Central Front Committee sang CPP-NPA nga nagahulag sa mga kabanwahanan sang Tapaz kag Jamindan, sa probinsya sang Capiz kag Northern Iloilo.
Nahibaluan nga si ‘Ka Pablo’ ang nalakip sa ‘Top Most Wanted’ sa listahan sang Department of Interior and Local Government (DILG) kag Department of National Defense (DND) bangud sa iya ginapangatubang nga kaso nga tatlo ka counts sang murder.

Facebook Comments