Pila ka klase sang bugas ang nagtaas ang presyo umpisa sang nagligad nga semana.
Base sa monitoring sang Department of Trade and Industry ukon DTI, ang regular milled rice nga anay 37 pesos ang nangin 40 pesos na ang kada kilo.
Samtang ang well milled rice ang yara na sa 42 ang kada kilo halin sa 40 pesos sang nagligad nga semana.
Nagalab-ot naman sa 46 pesos ang presyo kada kilo sang premium rice halin sa daan nga presyo nga 45 pesos.
Samtang , nagapabilin naman sa 27 kag 32 pesos ang kada kilo sang NFA rice.
Sa tunga sini, ginpahayag ni Trade and Industry Secretary Ramon Lopez nga wala sila sang plano nga magtalana sang suggested retail price sa presyo sang bugas.
