NAKADAGAN palayo ang biktimang gi dunggab didto Purok Sentro, Brgy. Loyuran, Katipunan, ZDN.
Giila ang biktima nga si Valeriano Ogoc, 49 anyos kinsa giluba ni Joven Gumalan Toto, 22 anyos taga Purok Saging, Brgy. Loyuran, Katipunan.
Saysay pa sa biktima nga naglantaw siya sa dulang basketball sulod sa covered court niadtong higayona sa dihang kalit miabot ang responsable ug mitapad niya nga nanimahong ilimnong makahubog.
Nakurat nalang ang biktima sa kalit nga pagdunggab kaniya gamit ang kutsilyo, igo sa iyang abaga lapos sa tiyan.
Mikaratil ug dagan ang biktima padulong sa ilang balay apan gisundan gihapon siya sa suspek ug swerte nga nabanatay ni PCol Frederic Palconayo ang panghibato ug didto naaresto ang responsable.
Anaa na karon sa presohan ang suspek ug pasakaan na kini ug kaso ngadto sa korte. Posible nga tungod sa bikil ang hinungdan sa pagpang dunggab.
