Patay ang isa ka pulis assigned sa 602nd Company Headquarters RMFB 6 sa barangay Guadalupe, Janiuay, Iloilo matapos luthangon sang kasubong man nga pulis pasado alas 7 subong lamang nga gab-i.
Ginkilala ang napatay nga si Melchor Casipe Jr., legal ang panuigon sang Zone 7, Pulupandan, Negros Occidental.
Samtang ang suspek ginkilala nga si Christian Kenneth Senon, legal ang panuigon kag pumuluyo sang Jereos St., Lapaz, Iloilo City.
Ginpahayag nga magkaupod nga nag-inum-inum ang duha sang magluntad ang pagsuya-ay kag indi paghangpanay kon sa diin naggabot sang iya service fire arm ang suspek kag gintiro ang biktima nga nakaagum sang kapilasan sa likod nga bahin sang iya lawas.
Gindala pa sa Janiuay District Hospital ang biktima apang gindekjlarar nga dead on arrival.
Alas 7:15 sini nga gab-i, gin-aresto ang suspek sang ila OIC nga si Police Sr. Inspector Charlie Sebastian kag ginturn-over sa nagresponder nga mga katapo sang Janiuay Police station.
