Waya na muabot sa ospital an 38-anyos na trabahador human ini madasmagan nan isa ka empleyado sa gobyerno sakay nan ija awto sa highway nan Barangay Bonifacio, Surigao City, kagaina ala 1:47 sa hapon (Abril 25). An patay na biktima amo si Jonar Mutya, residente sa lungsod nan Placer ug an nakadasmag amo si Ian Jun Gesta, 41-anyos na taga Barangay Rizal, Surigao City. Nalakip isab pagkaigo sa sakyanan an kaibanan ni Mutya na trabahante isab na si Rodrigo Mordino, 54-anyos, na kasamtangan tag admit kuman sa ospital. Sa imbestigasyon nan mga otoridad nasayran na si Gesta ni-overtake sa isa ka pick-up na sakyanan sanan nawad-an nan kontrol na midiretso sa mga biktima na naglimpyo nan kanal kilid sa highway.(RadyoMaN Jerson Fuentes)
Facebook Comments
