Nagtrending nga video sang sinabakay sang mga pamatan-on isa ka restobar tutukan sang WCPD

2124

BACOLOD CITY – Pagasuguran sa labing madali nga panahon sang Women and Children’s Protection Desk ang ila imbestigasyon angut sa nagtrending nga video sang mga pamatan-on nga kababaenhan nga nagasaot sang binastos sa isa ka restobar sa Lacson Street diri sa ciudad sang Bacolod.

Sa amo nga video nga naglapta sa social media partikular sa Facebook, makita ang mga pamatan-on nga mga babayi sa sulod sang Peats and Beans restobar sa dalan Lacson (Ramos) nga bulos-bulos nga naga-saot samtang nagapasabak sa isa ka lalaki nga nagapungko.

Makita sa video nga indi lang “twerk” ang ginahimo sang amo nga mga kabataan kundi halos ini ang isa na ka binastos nga “lap dance.”

Suno kay Torrendon nga hugot sila nga maga-monitor kag tawgon man nila ang atensyon sang tagdumalahan sang amo nga kalan-an.

Apesar nga na-delete na karon sa social media ang amo nga video, sa gihapon nagapangabay ang WCPD sa publiko nga may kopya ukon hawid pa sini nga untatan na ang pagpalapta sang amo nga video.

Sa pihak nga bahin, ginaklaro karon sang tag-iya sang Peats and Beans nga ang iya negosyo indi sala-utan sang binastos kundi ini ang kalan-an kag ilimnan gid lamang.

Wala man ini sang idea sa hitabo bangod ara sya sa luwas sang pungsod./dyHB BACOLOD

Facebook Comments