Davao City – Gisikop sa kapolisan sa Talomo ang usa ka Joram Gonzales, 36 anyos, nagpuyo sa Pagasa Ext., Matina Aplaya ning siyudad, human nagwild bitbit ang usa ka lagaraw ug gipanigbas ang mga tawo sa ilang lugar bisperas sa Pasko.
Sumala sa report sa Talomo Police Station, sa wala masayring rason tungod sa grabing kahubog sa suspetsado alas 10:30 sa gabii bisperas sa Pasko gipangtigbas ang gamit sa mga tawo sa nahisgutang lugar ug walay swerte natigbasan ang usa ka Rene Bacaday Macaluwa, taga-Don Marcelino, Malita Davao Occidental, igo sa likod nga bahin sa lawas.
Samtang usa ka tawo ang miresponde ug gibato ang suspek igo sa ulo hinungdang nakuyapan ug gidakop.
Ang samaron gitambalan karon sa SPMC.
RadyoMaN Paul Canono
Facebook Comments
