NAHARANG | Isa ka persona, nakuhaan sang armas kag kutsilyo sa police checkpoint!

38

Dumarao, Capiz – Magapangatubang sang kaso nga pagbayolar sa RA 10591 ukon Illegal Possession of Firearms and Ammunitions in relation to Comelec Gun Ban ang isa ka persona nga nadakpan sa police checkpoint alas 12:30 sang kaaganhon sa Brgy. Poblacion banwa sang Pilar.
Natigayon nga marekober sa 58-anyos nga suspetsado nga si Ronilo Villaruel y dela Peña sang Brgy. San Roque, Estancia, Iloilo ang isa ka unit sang homemade 12-gauge shot gun(break type ukon bali-bali) nga loaded sang isa ka bala, isa ka kutsilyo nga nagalaba sang walo ka pulgadas subong man lima pa gid ka bala nga nabutang sa iya bulsa.
Yara na subong napreso sa karsel sang Pilar PNP ang nasambitan nga persona kag natalana nga pasakaan sang nagakaigo nga kaso.

Facebook Comments

From Advertisers