Nang umulan ng kabutihan nasalo ito ng mga idol natin sa Binmaley matapos silang magpakita ng kanilang katapatan sa kapwa kaya atin silang kilalanin.
Sila ay sina idol Raymart Fernandez Magbitang, 26 na taong gulang, residente ng barangay Baybay Polong Binmaley at isang tapat na tricycle driver, at ang magkasintahang sina Christine Cruz Puzon at Adolfo Bautista residente ng barangay Baybay Lopez, sila’y nag sauli ng pera at cellphone na kanilang napulot.
Para sa mga may ari hindi biro ang napulot na nagkakahalaga ng 78,000 pesos at dalawang cellphone kaya naman labis labis ang pasasalamat ng mga may ari.
Sa tulong ng kapulisan naibalik kay Samson Collado Calaguin Jr. na residente ng Dagupan City ang pera nito samantalang ang cellphone naman ay naibalik na rin kay Conrado Gacuya Nepomuceno.
Simple mang sabihin yong salitang pag hindi sayo ibalik mo pero sa gawa mahirap gawin lalot maraming nasisilaw sa mga materyal na bagay.
Mula sa IFM saludo kami sa inyo. |ifmnews
Facebook Comments
