NAHULUGAN SANG SANGA | Bata sang konsehal patay, misis pilason sang aksidente nga nahulugan sang sanga sang mahogany ang ila Fortuner padulong sa Campuestohan

297

BACOLOD CITY – (2nd Update) Masubo nga balita subong gid lamang nga hapon ang naagyan sang isa ka pamilya nga taga Poblacion, Pototan, Iloilo nga kon tani maga-paliwa liwa sa isa ka highland resort diri sa syudad sang Bacolod.

Patay ang pito ka tuig nga bata sang mag-asawa nga Peñaflorida samtang pilason man sila matapos nga disgrasya nga matumbahan sang daku nga sanga sang mahogany ang ila gina-sakyan nga Toyota Fortuner (YP 6278) kolor itom.

Natabu ang insidente pasado ala-1:30 sa atubang gid sang Bacolod Boys Home sa Brgy. Granada, Bacolod City sa diin ini sila ang padulong kon tani sa Campuestohan Highland Resort.

Ginbawi-an sang kabuhi ang Kent Marion Peñaflorida, 7 yrs old, bata sang konsehal sang banwa sang Pototan, probinsya sang Iloilo.

Sa exclusive interview sang dyHB kay Potatan Sanggunian Bayan Member Kent Roger, 34, magapadulong sila sa Campuestohan Resort para sa selebrasyon sang birthday sang iya amay kag iya nga misis.

Samtang, naka-angkon sang bukol sa ulo ang isa pa ka bata nga lalaki ni SB Peñaflorida kag naka-angkon naman ang minor injury sa mata ang iya asawa nga si Maureen Peñaflorida, 35 yrs old apang nakaguwa naman sang gindala sa Bacolod Doctor’s Hospital.

Nahibalu-an nga napulo tanan ang sakay sang Toyota Fortuner sa diin safe naman ang iban nga pasahero.

Ari ang kompleto nga sakay sang Fortuner:
1)SB Kent Roger Peñaflorida, 34, driver 2)Maureen Peñaflorida, 35, wife 3)Kent Marion Peñaflorida, 7,(napatay) 4)Keif Peñaflorida, 15, subang nga bata 5)Kayden Penaflorida, 2, agot nga bata 6)Kyrie Peñaflorida, 5, ikatatlo nga bata 7)Sonie Hugo, 48, tiya 8)Gaile Hugo, 8, bata sang ila tiya nga si Sonie 9)April Claro, 19, timbang 10) Rose Cadanguin, 22, timbang

Sa karon ila na ginahimos ang bangkay ni Kent Marion agud nga dal-on pabalik sa ila nga balay sa Barangay Poblacion, Pototan, Iloilo.

Facebook Comments