Manila, Philippines – Tanggal na sa listahan ng “Asia’s Worst Air Terminals” ang Ninoy Aquino International Airport (NAIA).
Ito ay base sa travel website na “Sleeping In Airports”.
Bukod sa pagkakatanggal sa listahan ng NAIA, apat na philippine terminals naman ang napabilang sa Asia’s 25 best for 2017.
Kabilang dito ang Iloilo International Airport (rank 12), Mactan–Cebu International Airport (Rank 13), Davao Francisco Bangoy International Airport (Rank 17) at Clark International Airport (Rank 22).
Sa taong ito, ang Changi International Airport ng Singapore ang itinanghal na best terminal sa asya na sinundan ng Seoul Incheon International Airport sa South Korea, Tokyo Haneda International Airport sa Japan, Hong Kong International Airport sa Hong Kong at ang Tokyo Narita International Airport sa Japan.
Noong nakaraang taon, pang-lima ang naia bilang worst terminal sa Asya dahil sa isyu ng “tanim bala” at hindi maayos na pasilidad.
