Naka-alerto ang 3rd Infantry Division sang Phil. Army sa posible pag-atake sang mga rebeldeng komunista may kaangtanan sa ila ika 49 nga annibersaryo sa Marso 29.
Ginpahayag ni 3rd Infantry Division Spokesperson Eduardo Precioso, humalin sang nagligad nga semana ginpabaskog pa sang militar ang combat operations sa mga lugar nga may presensya sang NPA.
Nagapakig-angut naman ang militar sa kapulisan kag iban pa nga law enforcement agencies para indi na makapanggamo ang mga rebeldeng komunista.
Ginapasangkad man sang militar ang capabilidad sang tanan nga kampo kag nagakoordinar man sila sa mga Local Government Units nga buligan sila sa away batuk sa insurhensya.
Gin-athag naman ni Precioso nga wala sang dapat kabalak-an ang publiko bangud ang ila gina-ubra pre-emptive kag pro-active measures para indi na makapanghalit ang mga rebeldeng komunista sa pagsaulog nila sang ila ika 49 nga founding anniversary.
Gina-enggayo man sang militar ang publiko nga ireport gilayon sa otoridad kon may mga makaduluda nga mga tawo sa ila lugar.
