Naigo gid sang latigo sa wala nga ligod si Jaryl Siodena, 23 anyos soltero kag residente sang Gustilo Lapaz matapos gin latigo alas 2:32 kaina sang kaagahon sa dalan San Rafael Mandurriao palapus sa barangay Nabitasan, Lapaz.
Suno sa iya nga halin sila sa Smallville Complex nag inom inom upod ang 3 sini ka kaupdanan.
Nag lakat lakat sila puli kag nag desisyon nga mag agi sa Nabitasan Lapaz sang gulpe lang gin dulugan sila sang 4 ka single nga motor sakay 4 ka kalalakin an nga lunsay naka bonnet kag nag hambal nga ” TAGA DIIN KAMU”.
Antes paman sila makasabat, nag gabot na sang latigo ang isa sa mga naka motor kag gin latigo sila kabangdanan naigo si Jaryl sa kamot.
Sa tuman nga kakulba, nagdaralagan sila padulong Nabitasan Lapaz samtang nagdalagan naman pa sumalang pakadto sa Mandurriao si Paul Vasques 32 anyos sang Jereos Lapaz.
Sa tuman kadasig sang iya dalagan, wala nya na punggan, sya ang nag ungad kag una nga nag nusnos sa semento ang iya ilong asta ang iya agtang nga karun ara gina bulong sa Don Benito Hospital sa Jaro.
