Sa interview sa DXDC RMN Davao kang Police Major Gerald Borja, Chief of Police sa Montevista Municipal Police Station (MPS), naila ang biktima nga si Lolita Patunob, 58 anyos, residente sa nahisgutang lugar.
Sa imbestigasyon, kalit lang nga nawad-an og kontrol ang driver sa Toyota Fortuner nga si Rafael Amolo, 35 anyos nga taga Butuan City, rason nga mibangga kini sa balay. Samaran ang partner ni Lolita nga si Metodio, 64 anyos. Samtang, ang biktima gidala pa sa ospital apan gideklarang dead on arrival.
Matud sa pulis, normal ug dili lango sa ilimnon ang driver sa pag-check kaniya human sa insidente.
Mipasalig usab ang driver sa sakyanan nga abagahon ang galastohon sa pagpahilona sa biktima ug pagbayad sa pamilya ug uban pang damyos.
“Magbayad ang kadtong nakadisgrasya, kadtong driver sa Fortuner og P120,000. Apil pud didto tong na-damaged nga balay ug motor. Paapila pud to og bayad sa pamilya sa biktima,” matud ni Borja.
RadyoMaN Kirby Manzon
