Ang Wake me up when September ends ginahalad sang singer nga si Billie Joe Armstrong sang banda nga Green Day sa iya amay nga napatay sa bulan sang Setyembre sa sakit nga cancer.
Sang amo nga tion, naga-edad pa lang si Armstrong sang 10 ka tuig.
Subong man, magluwas sa personal nga kasubo ni Armstrong, para sa pungsod Amerika, mas nangin makahulugan pa gid ang kanta bangod naga-associate ini sa 9/11 terror attacks sadtong 2001 sa diin madamo sang kabuhi ang nadula.
Ang kanta ginahalad man sa pamilya sang mga nabiktima sang 9/11 terror attacks tuhoy sa kasakit nga ila nabatyagan sa pagkadula sang pila ka miembro sang ila pamilya.
Suno sa Green Day, ang kanta ginakabig nila nga song of wisdom and acceptance sa diin ginapahayag sini nga pagkatapos sang kasakit, kasubo, kag kabudlay nga aton naagyan, tanan nga ini nagahimo sa aton nga mas mapag-on kag maisog sa pag-atubang sa maga-abot pa nga pagpanghangkat sa kabuhi.
