Roxas City, Capiz- Patay ang isa ka persona samtang pilason ang upod sini
matapos nga nagbaliskad ang ginasakyan nga motorsiklo antes nga nabunggo sa
signage sa Arnaldo Boulevard Brgy. Baybay alas 2:40 sang kaaganhon.
Dead on arrival sang gindangat sa ospital ang driver nga si Ben Valenzeula
y Florida, 24-anyos matapos nga nag-angkon snag patal nga pilas sa iya ulo.
Samtang pilason man ang backrider sini nga si Ramil Gallego, 19-anyos
lunsay mga residente sang Brgy. Culasi syudad sang Roxas.
Base sa imbestigasyon sang traffic section sang Roxas City PNP, ginasubay
sang mga biktima ang highway sang nadulaan sang kontrol ang driver kag
aksidente nga nabunggo sa center island.
Ginapahayag nga ini ang natagpilokan rason nga wala masuweto ang manibela
sang ginadala nga motorsiklo sang nagapauli na sa Brgy Culasi.
Nahibaluan nga lunsay hubog ang amo nga mga persona halin sa pag-inom sa
upod ang ila abyan.
