Davao City – Napasaka na sa Bunawan PNP ang kasong murder batok kang Nemesio Modequillo, 58-anyos human niini gitigbas ug gidunggab-patay ang iyang live in partner sa Purok 10, Brgy. Tibungco, Davao City niadtong Lunes, March 2, 2020.
Sa interbyu sa DXDC RMN Davao kang Police Major Noel Villahermosa, station commander sa Bunawan PNP, gisaysay niini nga unom ka tuig nga nag-ipon ang suspek ug ang biktimang si Annalina Balangao, 50-anyos.
Saysay ni Villahermosa nga nahimo sa suspek ang krimen tungod sa gibati niining selos tungod sa matud pa laing lalaki nga gikabuangan sa iyang partner.
“Tungod sa selos. Iyahang pagtuo nga naa nay laing lalaki nga gikabuangan ang iyang ka live in. Mao tong nahimo niya ang pagpatay. Although wala siyay concrete nga ebidensya pero mao lang to iyang gihuna-huna,” saysay ni Villahermosa.
Tambag ni Villahermosa sa mga adunay partner o magti-ayon nga magbaton og panag istorya kung adunay gina atubang nga problema aron kini masolusyonan.
“Mag live in, mag-asawa dapat open ang communication. Dapat mag istoryahanay, istoryahan kung unsay problema kay para dili musangpot sa susama niining maong krimen,” tambag ni Villahermosa.
RadyoMaN Kirby Manzon
