MURCIA, NEGROS OCCIDENTAL – Aksidente nga natiruhan sang isa ka trabahador sa manokan ang iya kaugalingon kagab-i sa Brgy. Minoyan, banwa sang Murcia.
Nakilala ang biktima nga si Justine La Cerna, 25 anyos ang edad, single kag pumuluyo sang Purok 7, Brgy. Minoyan, Murcia.
Suno kay La Cerna nga may mga las 6:30 kagab-i ini siya ang buot kuntani nga magkadto sa iya gina-obrahan nga manokan sa amo man lamang nga lugar, taklos ang iya armas nga 357.
Apang sang ini ang nagapanaog, nakasandad ang biktima kag aksidente nga naglupok ang iya armas.
Naigo sa iya wala nga paa ang biktima kag dali-dali nga gindala sa Corazon Locsin Montelibano Memorial Regional Hospital./dyH BACOLOD
Facebook Comments
