CAUAYAN CITY – PINAGHAHANAP PA RIN NGAYON ANG DRIVER NG SINGLE MOTORCYCLE NA TUMAKAS MATAPOS NA MASANGKOT SA AKSIDENTE SA BRGY. DISTRICT 1, CAUAYAN CITY BANDANG ALAS SINGKO NG UMAGA KAHAPON, IKA-19 NG AGOSTO.
SANGKOT SA AKSIDENTE ANG ISANG MITSUBISHI XPANDER NA SIYANG NABANGGA NG MOTORSIKLO SA LIKURANG BAHAGI NITO.
NAPAG-ALAMAN NA ANG NABANGGIT NA MOTORSIKLO AY IPINANANAWAGAN PALA MATAPOS NA TANGAYIN NG HINDI PA NAKIKILALANG KAWATAN.
SA NAKUHANG IMPORMASYON NG IFM NEWS TEAM SA MAY-ARI NG MOTORSIKLO, KABIBILI LAMANG UMANO NITO NG MOTORSIKLO NOONG BIYERNES, IKA-15 NG AGOSTO PARA SANA IBENTA RIN, NGUNIT NAWALA ANG SUSI NITO NOONG LINGGO, AT MADALING ARAW NGA NITONG AGOSTO 19 AY TINANGAY NAMAN ITO NG MAGNANAKAW.
SA NGAYON, NAKATAKDA NAMANG MAG-USAP ANG MAY-ARI NG MOTORSIKLO AT NG MITSUBISHI XPANDER UPANG ALAMIN KUNG PAANO ANG HAKBANG NA GAGAWIN SA NANGYARING AKSIDENTE.
KASALUKUYAN NA RING TINITINGNAN ANG KUHA NG CCTV FOOTAGE MALAPIT SA LUGAR KUNG SAAN NAIWAN ANG MOTORSIKLO NA MAAARING MAKATULONG UPANG MATUKOY ANG PAGKAKAKILANLAN NG POSIBLENG TUMANGAY SA MOTOR.
