Gikumpirma ni Chief Inspector Joel Martinez nga duha ka mga kaso ang giatubang karon sa suspek nga si Eliezer Lacia, 25 anyos nga taga Purok Matatag, Bartangay San Isidro human kining misulod sa compound sa negusyanteng si Vic Sexcion sa Isabella Homes Barangay San Isidro niaging adlaw.
Pagbutyag ni Chief Inspector Martinez nga luyo sa kasong trespassing makasuhan sad kini og pagsupak sa section 11 sa RA 9165 o possession of dangerous drugs human nakapkapan sa mga pulis ang duha ka pakete sa shabu.
Giklaro sad ni Martinez nga nadugangan ang reklamo sa suspek na si Lacia human nitumaw niaging adlaw ang reklamante nga gikawatan og battery sa sakyanan.
Kahibaw-an nga nakaangkon og bun-og sa kalawasan ang suspek human gikulata sa mga tawo dihang kini nadakpan sa gwardyang nagpasalbar og armas dihang gisulod ang panimalay sa negosyanteng si Sexcion.
Unang higayon pa usab matod pa nga nadakpan ang suspek sa maong salaod.
*For more info’s and updates, like and share our official facebook account : www.facebook.com/ifm91.9Gensanofficial/ <www.facebook.com/ifm91.9Gensanofficial/>*
