Salug, ZDN-Patay ang usa ka top 1 MWP dinhi sa Probinsya sa Zamboanga del norte human sa gihimong operasyon sa kapulisan sa Salug ug sa kasundaluhan gikan sa 97th IB. Didto sa may Brgy. Mucas sakop sa lungsod sa Salug niadtong adlawang lunes Abril 8, 2019 sa may 10:45AM.
Ang namatay nga wanted mao si Julmin Muloc, myembro kini sa Criminal Gang Muloc ug anaa sa listahan sa kapulisan nga usa ka Gun for hire.
Kini si Julmin aduna kini kasong, pagkalambigit sa Kidnapping niadtong Desyembre 14, 2015; ug lain pang Abdulham Muloc ug Nurad Muloc ang gisilbihan sa warrant tungod usa sa patong-patong mga kaso ang giatubang sukad pa niadtong tuig 2014.
Sa impormasyon nga nakuha sa buhatan sa kapulisan sa Salug, matod pa nga samtang nagpadulong mga tinugnayan sa balaod sa paminamalay ni Julmin ug niadtong higayona anaa kini sa sulod sa iyang balay hinungdan nga dali kining miiskapo aron mopalayo sa mga pulis ug sundalo agi sa luyo nga bahin sa iyang balay.
Apan iyang nakasugata ang mga operating team ug sa walay duha-duha milanit kini sa iyang armas ug dayong pabuto sentro sa mga tinugyanan sa balaod, dali usab nga naka balos ang mga pulis ug sundalo ug maayong pagkaigo niini, gisulayan pa kini ug dala sa balay tambalanan apan gideklara kining DOA.
Nakuha sa iyang posisyon ang usa ka calibre .45 ug usa ka magazine nga adunay sulod nga tulo ka mga buhing bala.
Ang regional Director sa PRO9 nga si Brigadier General Emmanuel Luis D Licup, iyang gipasalamatan ang mga tinugyanan sa balaod tungod sa kalmpusan nga ilang nahimo atol sa maong operasyon.
