Wasak ang ulo kag halos lasog ang lawas sang isa ka tigulang nga babaye matapos malasak sang mixer truck alas 7 pasado sini nga gab-i.
Ginpahayag nga nagatabuk sa dalan ang biktima nga ginkilala kay Virginia Arquejo sang Sta. Barbara, Iloilo sang mabungguan ini sang isa ka awto kabangdanan nga natumba ini kag nalasak sang nagasunod nga mixer truck.
Wala man ginbalikid sang driver sang nakabunggo nga awto ang biktima kag nagdiretso lang sa pagdalagan.
Bangud nalasak sang mixer truck ang biktima, ang driver sini nga si Ronald Jalito ang arestado kag yara na sa custody sang Jaro PNP.
Facebook Comments
