Sa report sa Digos City Police Station, personal nga nagpakitabang ang asawa sa biktima nga si Annalyn Rebuta alas-10 sa buntag niadtong Domingo, Disyembre 21, human wala na makit-i ang iyang bana sukad pa sa kaadlawon sa Sabado.
Sumala sa imbestigasyon, katapusang nakita ang biktima nga naligo sa dagat alas-12 sa tungang gabii niadtong Disyembre 20, kinsa gituohang lango sa ilimnong makahubog atol sa ilang Christmas party kauban ang pamilya.
Nakig-koordinar gilayon ang kapulisan sa Philippine Coast Guard ug mga opisyal sa barangay alang sa search and recovery operation. Alas-10:45 sa buntag, napalgan ang lawas sa biktima ug dayong gisuwayan pa og revive uban ang City Disaster Risk Reduction and Management Office (CDRRMO), apan wala na matabang pa ug gideklarang patay sa maong lugar.
RadyoMaN Kareen Beltran
