Davao City – Patay ang usa ka amahan samtang naligo og dagat sa Lanang Aplaya Beach Resort ning siyudad sa Davao.
Gisuwayan pa og dala sa Southern Philippines Medical Center (SPCM) ang biktima nga si Virgilio Salazar aron salbaron ang kinabuhi apan gideklara kini nga patay na sa attending physician.
Gibutyag ni Jason Salazar, 31anyos, empleyado sa gobyerno, ug nagpuyo sa Country Homes Subdivision, Cabantian nga nakita na lang sa iyang iyaan nga nagbuy-od na daplin sa baybayon ang biktima ug ang ulo nag-atubang na sa tubig-dagat diin wala na maglihok pasadoalas-6:00 sa kagabhion.
Nasayran nga nag-inusara naligo sa dagat ang biktima maong gituhoan nga posibleng nalumos ang kini.
Ang dili pa lang masuta kung naka-inom ba sa bino ang biktima dihang naligo kini sa dagat niadtong tungora butang nga padayon pa gisayod sa mga otoridad.
RadyoMaN Joel Viray
