Report ni: Tita Jen Palomo Debaja
Base sa panaysayon ni Ma.Luisa Godoy, 59 anyos isa ka pinay driver sa HK, nagpanic ini sang gulpi may nabaton nga text halin sa iya amo nga si nga edrive ini alas 2:10 sina nga hapon , butang nga nalipatan sini bayaran ang items nga iya ginkuha sa Wellcome Store sa Hong Kong island.
Gin atubang sa Korte sang Enero 24,2018 si Godoy sa kaso nga theft kg apisar nag saysay ini sang iya rason, wala gin pamatian sa Eastern Court ni magistrate Peter Hui ang eksplinasyon sang pinay.
Sa panaysayon sang hukom, wala sang rason nga indi mabayaran sang pinay ang items bangud may ara pa siya nabilin nga 25 minutos kg 30 metros gid lang ang balay sang amo sini halin sa supermarket.
Apang tungod maayu man ang previous records ni Godoy kag tungod first-time offence ang natabu kg dugang nga narekuber man ang items nga nagabalor $300 dollars, nadesisyunan sang Korte nga patawan lamang ini sang multa nga $2000 dollars.
Nahibaluan nga naga sweldo ang pinay driver sang $13,000 kada bulan.
Sa witness stand, ginsaysay man ni Godoy nga takna ala una sang Oktubre 20,2017 sang nagpadulong ini sa Wellcome Store agud magbakal sang panyaga kg personal hygiene goods.
Sa toiletries section, nagkuha ini sang shampoo, conditioner, bubble bath kg sanitary napkin kg gindugangan pa gid niya ini sang John West tuna salad, fruit juice kg pack of snacks nga may total value nga $390 dollars.
Nagapila na ini sya sa cashier agud magbayad sang hinali nag text ang iya amo. Nagkuha sya sang apat ka items kag ginbayran ini sang $94.70 . Tungod nagadali ini ginsilingan niya ang cashier nga mabalik lang agud bayaran pa ang iban nga items .
Sang manug exit na siya,gin punggan sya sang guardiya nga wala pa niya nabayaran ang iban items sa sulod sang ecobag. Dayun man ini nagsabat nga nalipat sya, gani gin dala sang guardiya ang pinay sa opisina sang manager kg didto na siya gin aresto sang police.
Sa korte ginsaysay sang guardiya nga suspetsuso ang hulag ni Godoy sa sulod sang supermarket rason nga iya ini gin panilagan.
Gindismiss sang prosecutor ang panaysayon ni Godoy kag nagapati ang mga ini nga ginhungod niya bayran lang ang apat ka items kag intentional nga kawaton ang iban pa.
Dugang sang prosecutor nga sa sulod 20 ka tuig ni Godoy sa Hong Kong, kabalo gid ini nga indi pwede magkuha sang items kag balikan lang ang bayad.
