Roxas City, Capiz – Nangin una nga biktima sang palupok sa Capiz ang isa ka 9 ka tuig nga bata matapos malukpan sang piccolo sa Hemingway St, Barangay Tiza, Roxas City.
Napilasan ang duha ka tudlo sang biktima bangud sa mabaskog nga lupok sang piccolo. Nahibaluan nga nagahilibion na sang magpauli sa ila poluy-an ang biktima.
Ginapahayag nga nabakal sang biktima ang piccolo sa Teodoro Arcenas Trade Center. Ang piccolo ang isa sa mga ginabawal nga sahi sang palupok suno sa Bureau of Fire Protection kag PNP.
Angut sini, nagpatigayon na sang inspection ang BFP-Roxas sa mga balaligyaan sa TATC agud hibaluon kon anu nga establishment ang nagabaligya sang ginadumilian nga piccolo.
*(Photo from web)*
Facebook Comments
