Roxas City, Capiz- Nakarekord na sang 14 ka kaso sang firecrackers related injuries sa syudad sang Roxas kag probinsiya sang Capiz kadungan sang pagsug-alaw sang Paskua kag Bag-ong Tuig.
Ini ang base sa alas dose sang udto sang Enero 1, 2018 nga record sang Provincial Health Office – Capiz Epidemiological Surveillance and Response Unit ukon CESRU.
Apat ka persona ang nalukpan sa syudad sang Roxas samtang tatlo naman ang halin sa banwa sang Mambusao.
May tig-isa ka kaso sang nalukpan sa banwa sang Dao, Pontevedra, Tapaz, Jamindan, Cuartero, Sigma, kag President Roxas.
Ang mga biktima ang nagapangedraon halin sa anum ka tuig tubtob 66-anyos kun sa diin isa ang babaye kag 13 ka bilog ang lalaki.
Pinakadamo naman nga nangin rason amo ang bangud sa Whistle bomb nga may lima, Boga nga may apat, Piccolo kag Kwitis nga may tig-duha ka kaso, kag Camara nga may isa nga nalukpan.
Ang nasambitan nga numero ang mas manubo sang 75-porsyento kun ikumparar sa 55 ka kaso nga nalista snag nakaligad nga tuig 2016./
Source: IPHO-CESRU
