SAGAY CITY – Patay ang isa ka mangingisda matapos nalukpan ini sang dinamita pasado las 11 kaina sang udto sa baybayon sang Barangay Molocaboc, Sagay City.
Ang biktima nga nakaagom sang madamo nga mga kapilasan sa iya nga lawas ang ginkilala kay Francisco Jimenez Jagonos 47 anyos, pumoloyo sang amu nga barangay.
Suno kay Quennie Jimenez, 22 anyos nga bata sang biktima, pasado las 11 kaina sang udto sang nagpangisda ang iya amay.
Nasapwan na gid lamang ini sa tunga sang lawod nga pilason matapos nga nalukpan sang dinamita.
Pasado las 3 na sang hapon sang nakaabot ang biktima sa Regional Hospital apang mga las 4 gindeklara ini ni Dr. Auguis nga ginbawian na ini sang iya kabuhi./ In photo: DYHB in Molocaboc during the aftermath of Typhoon Yolanda
