ROXAS CITY, CAPIZ – Gulpi nga nagsaka ang kaso sang firecracker related injuries sa probinsya sang Capiz kadungan snag pagsug-alaw sang bag-ong Tuig.
Ginpahayag ni Mr. Joeffry Espiritu sang DOH-Capiz base sa ila pinakaulihi nga rekord, nakapagkit na sang kabug-osan nga 40 ka kaso sang nalukpan sang firecrackers sa probinsya.
Suno diri nga mas mataas ini sang 90-percent kun ikumparar sa kapareho nga period sang nagligad nga 2017 nga may yara lamang sang 21 ka firecracker related injuries kun sa diin nagapabilin nga ang syudad sang Roxas ang may pinakadamo nga kaso nga naglab-ot sa onse ka bilog. Ini ang ginsundan sang Tapaz nga may walo ka bilog; banwa sang Cuartero, Dao, Panit-an kag Pontevedra nga may tig-tatlo ka bilog; banwa sang Panay, President Roxas kag Sigma nga may tig-duha ka kaso samtang ang mga banwa naman sang Mambusao, Jamindan kag Maayon ang may yara sang tig-isa ka kaso nga nalista.
Sa mga nabiktima, 35 diri ang mga lalaki samtang lima lamang ang mga babaye.
Nagapanguna sa gihapon nga nakabiktima amo ang libentador nga may walo nga nalukpan, whistle bomb-7, kwitis- 6, kamara- 6, Buga-5, firecracker powder-3, sparklers ukon pasirit-2 samtang may tig-isa nga nalukpan gamit ang 5 star, luces kag ginhalo nga pulbora.
Suno kay Espiritu, padayon sa gihapon ang ila nga monitoring tubtob sa Enero 5, 2019.
