Ginbawian sang kabuhi ang isa ka tawo matapos malumos sa Iloilo River malapit sa Esplanade 3 sakop sang Barangay San Rafael, Mandurriao kahapon sang aga.
Ginkilala ang biktima nga si Raylen Jover, 40 anyos, pumuluyo sang Sitio Sooc, Barangay Bolilao, Mandurriao.
Sa imbestigasyon sang Mandurriao PNP, ginpahayag nga nagpaligo sa Iloilo River ang biktima upod sa tatlo pa ka iban sang hinali lamang ini nga nadula.
Bangud sini, ginpangita sang iya mga kaupod si Jover kag sang makita ini, dali-dali nila nga gindala sa Iloilo Doctor’s Hospital.
Subong man, wala na ini makalab-ot nga buhi kag gindeklarar sang doktor nga dead on arrival.
Facebook Comments
