General Santos City—patayng nang nakaplagan sa iyang mga kaubanan ang usa ka lalaki human kining nalumos samtang namana ug kasili sa kadagatang bahin sakop sa Prk. Kagang, Barangay Tapon, GLan, Sarangani Province.
Ang biktima nailhang si Elly Talino, 33, residenti sa Sitio Rancho, Barangay Ngpan, Malungon, Sarangani Province.
Alas 3:30 ang takna sa apon niadtong nakalabyng adlaw dihang namana ug Kasili ang biktima uban a iyang mga amigo nga silang si Norie Roy Pagcay ug Baldomino Alosente, pulos hingkod ang pang-edaron didto sa kadagatan sa Barangay Tapon apan human sa 5 minutos wala na mitunga ang nahisgutan.
Tungod niini gipangita sa iyang mga kaubanan ang biktima ug human sa 30 minutos, ila nalang nakaplagan ang biktima nga nag utaw na sa kadagatan.
Wala na madala pa sa ospital ang biktima tungod wala na kini kinabuhi dihang nakaplagan.
Sa karon ang kapulisan sa Glan Municipal Police Station nagpahigayon nag makuting imbistigasyon kalabutan sa insidenti ug ginasuta pa kung duna bay Foul Play sa kamatayon niini.
