Davao City- Nisaka ngadto sa 338 na ang death toll sa COVID-19 sa Davao City.
Kini sumala gipagulang December 11, 2020 COVID-19 bulletin sa Department of Health Region XI .
Sumala ni Dr. Marie Yvette Barez, Infection Control and Prevention Unit chair Southern Philippines Medical Center (SPMC), kini mga pasyenteng anaa sa high risk age group o mga edaran na ug adunay mga comorbidities.
“Any deaths man gud is alarming, kasi dapat walay mamatay as much as possible. Ibig sabihin ana mas grabe ang makuha nga mga manifestations labi na ang mga tigulang,” sumala ni Barez.
Gibutyag ni Barez, kung itandi sa Philippine General Hospital sa Metro Manila, mas daghan ang admission sa Southern Philippines Medical Center (SPMC) apan taas ang ihap sa mga nakarekober ug mas gamay ang death rate.
“Mas better actually ta kung didto nimo tan-awon sa deaths and recoveries kung basehan sa admission sa PGH,” sumala ni Barez.
Padayong panawagan ni Barez sa publiko nga magdoble igmat ug huna-hunaon ang mga kabanay nga mga immunocompromised nga maoy lisod maka-rekober batok sa COVID-19 aron luwas ang ilahang matag pamilya nga magsaulog sa Kapaskohan og Bag-Ong Tuig.
(Aimee Guinita)
