Namatay sa Covid-19 sa probinsya, subra 40 na

Zamboanga del Sur – Nadugangan na usab ang ihap sa mga pasyente nga namatay sa Covid-19 dinhi sa probinsya sa Zamboanga Del Sur kini base sa ulahing datos sa gipagula sa Integrated Provincial Health Office (IPHO).
Sa impormasyon nga nasangi sa DXPR niabot na sa 45 ka indibidwal ang nakabsan sa kinabuhi gumikan sa kamangtas sa maong virus. Ulahing namatay ang 68 anyos nga babaye nga taga-Purok Rubia, Brgy. San Francisco ning syudad sa Pagadian kun asa unang gidala sa Government Health Facility niadtong Pebrero 12, aron masalbar apan pagpatung sa alas 7:24 gabii namatay ang pasyente.
Base sa resulta sa swab test postibo nga covid-19 ang nitakboy niini ug ang mga final diagnosis: Coronary Artery Disease; Acute Respiratory Failure secondary to Covid19 Pneumonia ug Coronary Artery Disease s/p Angiopathy. Gipahiluna na ang namatay nga pasyente pinasikad sa COVID19 protocols.

Facebook Comments