Davao City – Nidaog sa kaso ang City Government of Davao batok sa usa sa mga nagpeke og reverse transcription-polymerase chain reaction (RT-PCR) test results sa pagsulod niini sa Francisco Bangoy International Airport niadtong February 27, 2021.
Guilty sa Section 9 of RA 11332 or the “Law on Reporting of Communicable Diseases” ug Davao City Ordinance No. 0466-21 Series of 2021 – “An Ordinance Penalizing Persons Using or Producing Falsified or Tampered COVID-19 Medical Test Results or other Health Verification Documents in the City of Davao” ang sentensya ni Judge Catherine Guerzo-Barrion of the Municipal Trial Court in Cities (MTCC) Branch 4 sa respondent nga si Lloyd Alipin Abarquez diin gipabayad kini’g P5,040.
Usa si Abarquez sa 159 ka mga gikasuhan city government pinaagi sa Davao City Public Safety and Security Command Center (PSSCC).
Sa 159, 145 ka kaso ang giduso pinaagi sa inquest samtang 14 ang regular filing.
Sumala ni Public Safety and Security Command Center (PSSCC) Head Angel Sumagaysay, nga ang conviction sa korte nagpasabot kini nga seryoso ang City Government of Davao sa pagpatuman sa balaod ug pagsilot ngadto sa mga gapresenta og pagpake sa ilahang mga RT PCR Test results nga maghatag og peligro sa katawhan sa Davao atol sa giatubang nga health crisis nunot sa COVID-19 pandemic.
RadyoMaN Aimee Guinita
