Davao City – Gidasig sa National Citizen’s Movement For Free Elections kun NAMFREL ang publiko hilabi na ang mga bag-ong botante nga muadto na sa mga buhatan sa Commission on Elections (COMELEC) aron magparehistro.
Sumala ni NAMFREL National President Erik Alvea nga bisan tuod og kapin usa ka tuig ang deadline sa voter registration alang sa General Elections sa tuig 2022, dili na dapat paabuton pa ang last hour inay magparehistro na lang og sayo.
Dungan sa pag-abli sa voter registration, nagtoo si Alvea nga aktibo ang millennial kun mga batan-on sa pagpartisipar sa national ug local elections sa tuig 2020 busa sigurado kini nga mudagsa gayod ang mga bag-ong tubo sa mga buhatan sa COMELEC aron magparehistro.
Gilauman na niya daan ang pagpakabana sa mga batan-on sa umaabot nga nasudnon ug lokal nga piniliay kini base sa obserbasyon sa nanglabay nang mga Presidential elections sa Pilipinas.
Apan gi-awhag niini ang mga bag-ong tubo karon nga dili lang hangtud sa pagboto ang ilang apilan apan bisan pa sa paglambigit sa politika ug pagdagan sa bugnong lugaynon aron sa ingon sayo nilang masinati ang sistema ug pagrenda sa panggamhanan sa nasud.
Sa pikas bahin, gihagit ni Alvea ang COMELEC nga dili lang ang rehistrasyon ang ilang tutokan sa ilang traba-karon apan bisan pa ang paglimpyo sa daan nga mga listahan sa botante aron inig abot sa adlaw sa pini-liay dili na mawala ang mga pangalan sa mga botante sa mga presinto nga maoy sagad nga problema sa matag pagahimoon ang eleksyon sa nasud.
RadyoMaN Joel Viray
