Davao City- Gipasidan-an sa Police Regional Office (PRO-XI) ang mga gun owners nga dili gamiton sa krimen ang ilang mga armas kay gawas nga makasohan sila, bakwian usab sila og Permit to Carry Firearm Outside of Residence (PTCFOR) ug License to Own and Possess Firearms (LTOPF).
Gidasig ni PRO-XI Spokesperson Maj. Catherine Dela Rey ang mga nanag-iya og pusil nga mas maayo kung ibilin na lang sa ilang balay ang ilang armas kung dili man maka kontrol sa ilang emosyon ug kainit sa ulo aron sa ingon, dili sila makapusil ug makapatay ugaling aduna silay kalalis.
Segun ni Dela Rey, usa sa mga rekwisitos sa paglukat og lisensiya ug permit mao ang neuro psychiatric examination test apan dili kini garantiya aron mahimong responsable nga gun owner ang usaka tawo sanglit mag depende ang tanan sa sitwasyon.
Ang pasidaan bunga sa nahitabong pagpusil-patay sa usaka guardia sa usaka vendor gamit ang shotgun.
RadyoMaN Joel Viray
Facebook Comments
