TACLOBAN CITY – Arestado an usa nga nanay matapos nga gin aaligar gingamit niya an iya anak nga babaye ngan iba pa ha Cyber Pornography ha Brgy. Liwayway, McArthur Leyte dida han nakalabay nga byernes November 10, 2017.
Ha Press release nga igingawas han International Justice Mission ha Cebu City, 9 nga minor de edad an mga biktima han online exploitation of children an narescue han buhatan tikang ha suspek.
7 dinhi in babaye ngan 2 in lalaki. An mga edad hini nga mga bata in aada ha 2 anyos tubtob 9 anyos.
Sumala kan DSWD Regional Director Restituto Macuto, an mga biktima nga kabataan in mga magkapamilya la nga gingagamit ha Cyber Pornography ha sakob han panimalay.
“Ang sinasabi nila mas safe kasi sa bahay kasi walang makakakita. Tapos itong 9 na mga bata parang magkamag-anak sila at nakita sa laptop ng pedopilya yung 5000 na porno pictures.”
Ha bubligay nga gindumara nga Entrapment operation han Women Children Protection Center Visayas, Interagency Council Against Trafficking, Leyte Provincial Police Office, Leyte WCP Department, Leyte Provincial Public Safety Company ngan DSWD.
Gindumara an operasyon han pulisya matapos nga makadangat hin impormasyon tikang ha Royal Canadian Mounted Police nga an suspek in nan-gagamit hin kabataan para makakwarta.
Sumala han DSWD nga nakit-an han pulisya nga nagse-sex acts an 8 anyos nga bata live stream ha internet.
Sumala naman han Leyte Police, ginhihimo na han suspek nga negosyo an iya mga ginpapabuhat ha kabataan.
Siring ni Macuto, ha sugad hini nga edad han mga bata diri pa hira maaram kun ano iton ira ginbubuhat.
Aada na ha kustodiya han DSWD an mga kabataan.
