Bacolod City – Nagpadulong sa Police Station 4 ang isa ka nanay agud ipa-blotter ang iya kaugalingon nga anak nga nagkastigo sa iya kahapon sang aga matapos nga wala niya sini nahatag ang ginapangayo nga kwarta sang suspek.
Nakilala ang biktima nga si Messalina Jopanda, 64 anyos ang edad samtang ang suspek naman nga anak mismo sang biktima ginkilala nga si Riza Jopanda, 32 anyos lunsay pumuluyo sang Galo Street, Brgy. 23, Bacolod City.
Sa iya panaysayon sa pulis, ginsiling ni Messalina nga naakig ang iya anak matapos nga wala ini sang may ihatag nga kwarta nga ginapangayo sini.
Suno sa iloy, ginsipa siya sang iya bata sa nagkalain lain nga bahin sang iya lawas kag wala pa nakuntento, ini siya ang gintapungol pa rason nga nagpalanakit ang iya lawas./dyHB BACOLOD
