Davao City – Nanawagan karon ang inahan sa 14 anyos nga nagpakamatay sa may Tagum City ngadto sa mga kabatan-on nga dili ilo-om ang problema ug isulti gayud ngadto sa ilang ginikanan ang ilang mga suliran aron matabangan og dili mosangpot sa pagpakamatay.
Sumala ni alyas Jocelyn, inahan sa batan-ong nag-suicide, gikinahanglang dili pasagdan sa mga ginikanan ang ilang mga anak,estoryahon kanunay kung aduna ba silay gihambin nga problema, dili palabihan sa pagkasaba ug likayan ang pagpagawas sa dautang pulong batok kanila tungod kay kung masobrahan, basin unya’g makahuna-huna na hinoon sila sa paghunos sa kinabuhi gumikan sa depresyon.
Sugyot pa usab sa maong ginikanan nga dili gayud biyaan ang atong mga kabatan-onan nga mag-inusara tungod kay wala kita masayud sa posible nilang pagahimoon.
RadyoMaN Bernard Pantallon
