Capiz – Nang dahil sa puno ng saging, sugatan ang dalawang lalaki matapos nagtagaan sa bayan ng Dumarao sa Capiz.
May sugat sa ulo ang biktima na si Jose Randy Ga matapos tagain ng suspek na si Alexis Pendon.
Pauwi na ang biktima nang komprontahin ng suspek dahil sa pagputol nito sa kanyang tanim na saging.
Naging mainit ang pagtatalo ng dalawa hanggang umuwi ang suspek at kumuha ng itak saka tinaga ang biktima.
Naagaw naman ng biktima ang itak sa suspek kaya nataga niya ito sa balikat.
Naawat lamang ang dalawa nang dumating ang mga tanod kung saan kapwa sila ngayon nananatili sa ospital.
Facebook Comments
