Davao City – Paspas nakaresponde ang kapulisan sa tawag gikan sa usa ka residente sa may Watusi St. Brgy. Buhangin aron pormal i-endosar ang gitohoang kawatan nga si Jemar Toledo, 23 anyos, residente sa Cabaguio, Agdao siyudad sa Davao.
Base sa spot report sa Buhangin PNP, nakamata matud pa ang tag-iya sa balay nga si Oliver Inde gumikan sa kasikas sa may gate nga bahin.
Ug sa dihang milili kini sa steel window ug nakita sa biktima ang suspek nga musakmit na unta sa iyang mahalong bisikleta.
Gilayon gi-dispatch ang mobile 92 nga gipanguluhan ni PO1 Rendaje resulta nga nadakpan ang suspek ug nabalhog na karon sa prisohan.
Pasakaan og kasong pagpangawat ang suspek karong adlawa.
RadyoMaN Joel Viray
Facebook Comments
