TOBOSO, NEGROS OCCIDENTAL – (2nd Update) Natiruhan kag napatay gid sang gindala sa Corazon Locsin Montelibano Memorial Regional Hospital ang isa ka soltero nga nag-pangayaw sa isa ka baylihan sa Brgy. Poblacion, banwa sang Toboso, Biyernes sang gab-i.
Nakilala ang biktima nga si Ken Jan Lumanog, 18 anyos ang edad, soltero kag pumuluyo sang Purok Mabuhay sang amo nga barangay.
Suno sa mga nakasaksi nga may mga las 10 kagab-i, ang biktima kag ang iya mga kaabyanan ang nagkadto sa Brgy. San Jose agud nga magpangayaw sa baylihan bangud fiesta sa amo nga lugar.
Sang ara na sa baylihan, hinali na lamang ini nga ginpalapitan sang suspek kag gintiro sang wala matumod nga kalibre sang armas ang biktima.
Facebook Comments
