Davao City – Patay ang usa ka pintor human gidunggab alas 5:45 sa hapon duol sa basketball court sa San Isidro Labrador, Brgy. Agdao Proper siyudad sa Davao.
Sa spot report sa Sta. Ana Police Station, naila ang biktima Mark Jun Lacaba, 32 anyos, residente sa nahisgutang barangay, samtang suspitsado nailang Aldrin Bani-og Ballares, alyas Tata , 44 anyos, nagpuyo sa maong lugar.
Sumala sa report, nag-istoryahanay pa ang biktima ug suspek apan gigugod sa suspek nga nagdala og kutsilyo dayon gidungab ang biktima sa nagkdaiyang parte sa lawas resulta sa hinanaling kamatayon samtang gilayong milayas ang suspek.
Sa imbestigasyon sa kapolisan, nangayo’g pasaylo ang biktima sa suspek tungod kay iyang giluba niadtong milabayng tuig.
Narekober sa SOCO Team ang usa ka kutsilyo, samtang patay’ng lawas anaa na sa puniraraya.
Sa karon, gilusad na sa kapolisan ang manhunt operation aron madakpan ang suspek.
RadyoMaN Don Pulayao
