ILOILO – Arestado sa Cadiz City, Negros Occidental ang is aka lalaki nga nagbuno sa iya asawa kag manak sa Brgy Granada Isla Gigantes, Carles, Iloilo.
Ang suspek ginkilala kay si Crisanto Escuña.
Si Crisanto ang ginatudlo nagpatay sa iya asawa nga si Lilian Montes, 54 anyos sa diin nag angkon ini sang patal nga pilas nga naglapos gid sa iya dughan tuga sang pagbuno, duha ka pilas sa nawala nga dughan kag duha sa kamot.
Base sa impormasyon, nag-inom ang suspek kag manak sini nga si Casel Montes 26 anyos sa diin sang mahubog na ang mga ini, nagbais ang duha kag nagtambag ang iloy nga si Lilian.
Ginbuno sang suspek ang iya manak sa tiyan sa diin nagwa gid ang mga tinae ukon intestine sini kag sa subong padayon nga ginabulong sa hospital.
Nahibaluan nga matapos ang krimen, ginkawat sang suspek ang isa ka pumpboat sang ila kasilingan sa Brgy Granada Isla Gigantes, Carles, Iloilo sa diin nagpadulong ini sa Cadiz City agud magpalagyo.
Ginatan-aw nga naka-angkon snag nervous breakdown si Crisanto bangod lima ka adlaw na ini nga wala makakaon. /// Photo from web
