Davao City – Gitudlo karon ang Pulang Bagani Command (PBC) 8 ug Guerrila Front 15 New People’s Army (NPA) nga maoy responsable sa pagpangdabdab sa kagamitan sulod sa Adam’s Haven Mountain Resort sa Brgy. Ompao, Tarragona, Davao Oriental.
Gibutyag ni PRO XI Spokesperson PCI Milgrace Driz nga gipangsunog sa maong grupo ang pipila ka mga gamit sulod sa maong resort human nga wala kini mataga-i sa tag-iya nga si Engr. Ariel Mosquera kinsa chief usab sa City Planning Development Office sa Mati City og ginapangayong kwarta base sa nadawat niining extortion letter.
Kapin kun kulang P600, 000 ang damyos sa mga nangasunog nga usa ka multicab, usa ka generator set ug usa ka electrical steel cutter.
Giandam na usab sa mga awtoridad ang mamahimong ipangsang-at nga mga kaso batok sa mga lider nga sila Commander Jeckol sa Guerilla Front 15 ug Commander Jegs ug Boyax sa PBC 8 ug lain pang mga suspek sa pangdabdab sa maong resort.
RadyoMaN Aimee Guinita
