Gipasang-atan na og kasong estafa sa Criminal Investigation and Detection Unit 12 si Richard Roda nga nasikop sa gipahigayong entrapment operation sa mall niaging adlaw nga gireklamo matud pa sa ubay-ubay ka reklamante gumikan sa gihimong pagpangilad kung asa kapin 100 matud pa ka mga motorsiklo ang iyang gisibat gikan sa mga nabiktima, human nagpaila nga konektado sa insurance agency.
Gibutyag ni SPO1 Pablo Jugos pinaagi matod pa sa inquest proceedings gipasang-atan og kaso si Roda alang sa kasong estafa og tungod dunay reglementary period nga ginasunod ang arresting officer i-sunod na ang large scale estafa pinaagi sa regular filing ngadto sa piskalya para sa mga reklamante sa suspek nga naunang nabiktima sa pagpangilad.
Samtang dunay dakong tsansa nga makapyansa ang suspek sa gipasang-at na kaso gumikan bail able ang kasong estafa og kung madayon ang pagpasang-at og kasong large scale estafa pinaagi sa regular filing walay pyansa alang sa maong kaso.
Gidungang ni Jugos nga dakong posibilidad nga dunay kakunchaba ang suspek na karon wala una nila gihinganlan.
*For more info’s and updates, like and share our official facebook account : www.facebook.com/ifm91.9Gensanofficial/ <www.facebook.com/ifm91.9Gensanofficial/>*
