Davao City – Sa ospital ang gilandingan sa usa ka construction worker human gipusil sa bana sa iyang kapuyo-puyo nga nahitabo sa dalang Talisay sa Buhangin alas 8:00 kagabii.
Padayon nagpa-alim sa sama pinusilan si Ernesto Garcia, 32, construction worker ug nag-abang og pinuy-anan sa nasangpit nga lugar sulod sa Southern Philippines Medical Center.
Ang biktima giluthang sa suspek nga si Melocito Alison, driver, nagpuyo sa El Rio Bacaca kinsa bana sa iyang kapuyo nga si alyas Anna.
Sa inisyal nga imbestigasyon, nag-atang na diay daan ang suspek sa gipuy-an sa biktima busa pag-uli ni Garcia kalit kini gipusil ni Alison ug dayon pusil sa likod nga bahin niini.
Paspas misibat si Alison palayo sa mao nga lugar busa paspas gisapupo sa mga nakakita sa krimen ang biktima paingon sa Spmc kinsa anaa na sa bung-aw sa kamatayon.
Nakarekober ang kapulisan og usa ka deform slug sa .22 caliber nga maoy gigamit ni Alison sa crime scene.
Sumala ni SPO1 Plaza sa Homicide and Arson Section sa Buhangin PNP nga love triangle ang motibo sa pagpamusil ug samtang padayon pa nga at-large ang suspek.
RadyoMaN Joel Viray
