Roxas City, Capiz- Ginsaysay sang pila ka mga persona halin sa barangay sang Lanot kon paano sila nantontohan sang suspek nga si Mona Rose Francisco sang Sitio Pinaypayan, Barangay Bolo, Roxas City.
Suno sa isa sa mga biktima nga nagpahinago lang sang iya matuod nga ngalan, nangin maayo naman ang una nila nga transaksiyon sa suspek nga nagsugod sa bulan sang Hunyo kon sa diin nagatuman naman ini sa 5-percent nga interes sa investment nga 5,000 pesos nga ila ginhatag.
Suno pa diri nga naglab-ot sa P61,000 pesos ang kwarta nga ila ginhatag sa suspek kadungan sang promisa nga 5-percent interest tagsa ka adlaw ang magabalik sa ila apang gulpi na gid lamang ini nga nangindulaan sang Setyembre 12.
Apilasyon sang mga biktima sa suspek nga ibalik lang ang kwarta nga iya ginpangkuha halin sa mga ini.
Samtang sa pihak nga bahin, wala pa sang may nabaton nga pormal nga reklamo si Kapitan Totong Tuazon angut sa mga nabiktima sang ginapahayag scam sa Brgy Lanot.
Suno diri nga matapos padulongan sang news team sang dyVR, nakibot ini nga may yara gali sang kasubong nga insidente sang ginapahayag scam kun sa diin pila sa mga residente sang iya barangay ang natuntohan sang suspek nga si Mona Rose Francisco.
Kasunod sini, ginpasiguro ni Kapitan Tuazon nga personal siya nga maga-aksyon angut sa amu nga bagay agud nga matapna ang kasubong nga indi maayo nga boluhaton kun sa diin biktima ang pila ka mga pomuluyo sini.
