Davao City – Nabalot og samad tinigbasan ang lawas sa usa ka amahan human tigbasa sa iyang bayaw nga nahitabo sa Purok 7, Barangay Manuel Guianga, Tugbok District ning siyudad.
Nakaangkon og samad sa sa ulo, kamot, tiil, aping ug dunggan ang biktima nga si Juvien Ale, 39 anyos nga nagpuyo sa samang dapit.
Gumikan sa kadaghang samad tinigbasan daling gidala sa mga kabanay ang biktima paingon sa Southern Philippines Medical Center aron maluwas gikan sa bung-aw sa kamatayon.
Nasuta nga gipangita sa biktima ang iyang anak apan nasugatan niini ang iyang bayaw nga si Jimmy Salicob ug kinsa mitigbas kaniya sa makadaghang higayon sa wala pa masuta nga hinungdan pasado alas-7:00 kagabii.
RadyoMaN Joel Viray
Facebook Comments
