Usa lamang si Manong Teodoro Perocho, 72 anyos nga taga Lanise sa Munisipalidad sa Claveria sa Probinsya sa Misamis Oriental, sa mga nanglangyaw aron makapanaygon dinhi sa dakbayan sa Cagayan de Oro.
Matud pa sa maong langyaw, tinuig kini niyang gabuhaton ang manaygon sa mga kabalayan ilabina sa pagtungtong sa kalendaryo sa bulan sa Setyembre, gamit lamang ang iyang Bamboo Xylophone nga adunay gibug-aton nga hapit mag upat ka kilo.
Sama sa uban gipasigarbo usab ni Manong Teodoro ang iyang kahanas sa pagtugtog sa mga karaang awit, ingon man ang mga kantang pang-pasko nga maoy nakahatag og lingaw ngadto sa iyang mga gipanaygonan.
Gilauman usab nga mas modagsa pa ang mas daghang langyaw nga mga manaygonay ilabina nga nagkaduol na ang adlaw sa Pasko.
